謝豆兩歲喇~

話咁快謝豆已經兩歲喇~ 一年前仲係無咩頭髮，成日比人認錯做男仔，依家d頭髮多咗，無再比人問係咪囝囝lu~~

 

 

雖然未足兩歲，但屋企附近既幼稚園有育嬰園牌，所以9月開始已經可以一星期返三日學，每次個零鐘。下年開始等全班都足兩歲，先至正正式式返五日，每日三個鐘。如果小朋友生日當日，家長可以預備蛋糕同埋留低部相機比學校，等佢地幫小朋友慶祝同埋影下相。見到謝豆食蛋糕個樣咁開心，做父母都由個心度笑出黎。

 

生日正日係2/12，咁啱要返學，我同謝生當日都放假，一齊去接豆放學。返屋企前去左公園玩左一陣。

 

 

 

夜晚原本出去食飯，不過唔舒服，所以揀左去樓下簡單食個飯，食完返屋企切多次蛋糕XD

 

 

 

 

已經兩歲，講野仲未識，真係有少少擔心。好期待可以同你傾計對答，2月謝生生日，希望你識得講『爸爸, 生日快樂』喇~~